Il davomezdi eschna its al Museum da l’Engiadina Bassa a Scuol e vain guardà tuot. Nus ans vain decis per ün chaz da lain, perche cha pro Karin a chasa es ün listess. Plüprobalelmaing vaivan bleras famiglias da la regiun ün o plüs da quels chaz. Els gnivan fats our da lain local, cun pacas üsaglias e sainza grondas cugnuschentschas da far da falegnam. Els d’eiran pratics per mincha di dürant ils temps cha las famiglias mangiaivan suvent schoppa.
Che es l’istorgia dal chaz da Karin? Avant 25 ons passantaiv’la ün’eivna da vacanzas cun sia sour a Sagogn illa Surselva. L’abitaziun da vacanzas appartagnaiva ad üna famiglia da paur. La famiglia da seis quinà vaiva tut a fit l’abitaziun dürtant bler ons e la famiglia dals paurs sun gnüts amis. A la fin da las vacanzas ha il paur Dumeni regalà ad ella il chaz chi tilla vaiva plaschü bain. Daspö quist di ha’l seis lö in sia chadafö e minchatant vain el dovrà per la schoppa.
