Cur cha’l fain d’eira miss süllas heinzas vaivna ün pêr dis peida per la tschercha. La prüma not d’eira da laschar in pos las heinzas. Illa seguonda not eschna its da heinza a heinza, ans vain sfuschignà suottaint, aint illa chasina da fain sün trais chommas. No vain tscherchà sül fuond, però eir aint il fain. Be ün’unica jada til vaina chattà. I d’eira la terza not. Marchet, quel paur curius dal bain il plü süsom, ha chatschà alch steccal aint il mantun da fain. La heinza guardaiv’oura sco ün guerrier d’ün reginam magic camuflà cun fain. Forsa savaiva eir Marchet. Ma eir no savaivan. Minchatant as zoppa qualchosa suot il fain. Sco dit, i d’eira la terza not cha’l fain d’eira süllas heinzas. No vain examinà üna davo tschella. Uossa restaiva be amo quella cul steccal. No til vain vis subit. Sül fuond, immez il cuvel da fain d’eira ün öv. El glüschaiva ed alch as muantaiva dadaintvart. No til vain guardà sainza dir pled. Ed uschè ha cumanzà noss'aventüra.
Objekt:
Nagina heinza! Dentant: Dorota Gaweda ed Eglé Kulbokaité “Hexanol (I), 2019”, atschal, fain
Ort:
Bündner Kunstmuseum, Chur
über uns:
Gianna Olinda, 38
Jon Domenic, 62
In cusseglier guvernativ, schef dal departament da cultura dal Grischun ed ina promotura da cultura tar la Lia Rumantscha
www.tim-tam.ch / www.mi-s.ch | Il misteri da la heinza, Bündner Kunstmuseum, Chur