I d‘eira üna jada ün di da bellezza. Ün di ideal per ir in garascha a rumir ün zich. Rino ha bod rumi e stübgia che tour per mans. El vezza assas da dschember pozzadas vi da la paraid in ün chantun da la garascha. Qua til vain l‘idea.
El decida da construir üna chüna e da tilla vender sün ün marchà da Nadal.
Qua passa per cas üna duonna in spranza sper la garascha via e s‘inamurescha be subit in quista chüna. Ella tilla cumpra e po dovrar pac plü tard per seis poppin nouvnaschü.
