Igl ei ina notg freida cura ch’in um cun resti tschuf e scarpau va tral vitg. „Oh, tgei duess jeu ussa far?“, sesmarveglia Ali. El ei spartius da sia dunna e pil mument ha el negin dacasa, sa buca nua ir ni tgei che spetga el.
Tgei ha el pomai fatg falliu?
Ussa eis el sin via cun siu utschi ed in pign canaster cun en zatgei pauc da magliar. Cheu vesa el in casti e gest dasperas ina fontauna che s’auda tier in vitg. El semetta giu per beiber aua, aber enzatgei stermenta el. El vesa dalunsch ina siluetta che mira sin el e che vesa ora sco ina princessa. „Va e porta enzatgei custeivel per mei!“, camonda Ali a siu utschi. Immediat sgola igl utschi tier la princessa. El setschenta sigl ur dil balcon, mira en da finiastra e vesa enzatgei che tarlischa - ina pintga butteglia cun ina brev. El tschappa quella e sgola anavos tier siu possessur. Ali ei schi cuntents ch’el dat negin sguard silla brev e beiba il liquid ord la butteglietta senza ponderar. Mo cheu senta el ch’enzatgei constat buc…
Nus essan stadas fetg cuntenzas che nus havein giu la pusseivladad da luvrar ensemen, perquei che nus vegnin or bein ina cun l’autra ed essan las meglieras collegas.
