Co existan vairamaing nüvlas? Quai as laina tradir cun quist‘istorgia. Nus vaivan survgni da Nadal üna schlitra. Mo quai nu d‘eira simplamaing be üna solita schlitra! Nus pudaivan svolar cun quista schlitra miraculusa. L‘oter di eschna svolats sur il Piz Grondius chi‘d es cumparü ün schnat dragun. Seis ögls glüschivan cotschen fö ed our da seis gnif soflaiva‘l fö. El ans laiva schgnaffar sco sch‘el vuless güsta ans magliar da culazchun. Sainza pensar lönch, daina pajadas cullas chommas pels schlusigls da la schlitra aint. E che surpraisa! Üna nüvluna grossa es cumparüda davo la schlitra. Amo ün pêr pajadas suotsü precis sco a far ir ün chavagl e tuot ils contuorns d‘eiran plain nüvlas. Quai es stat il salvamaint, perche cha‘l dragun d‘eira gnü tuot confus e nun es plü stat bun da‘ns perseguitar.
Objekt:
Ort:
Museum d'Engiadina Bassa, Scuol
über uns:
Sina e Hendrik
Alexandra Sem
Scolars da la 3. classa da Scuol
www.tim-tam.ch / www.mi-s.ch | Schlitra da nüvlas, Museum d'Engiadina Bassa, Scuol