Cun mia Nona, manadra dad üna chasada da familia gronda, faiv’eu sco matta pitschna il gir tras las stanzas da dormir la bunura, per tillas metter in uordan. Lapro toccaiva eir da svödar ils boccals da not aint in üna sadella dad emagl. Quella sadella, spezial per quist scopo, avaiva dadaint ün indriz sco ün padriöl e lapro ün vierchel. Quai d’eira üna lavur sgrischaivla,chi’m faiva s-chiff, e listess, chi’m fasinaiva: “Stousch tü far quai mincha di? – perché nu vana sül secret? – schico esa amo ün padriöl lapro, quai da be amo alch daplü da lavar oura?, ed usche inavant, dumandaiv eu. Mia Nona am ha dat sün tuot üna resposta, riond ün pa da mia agitaziun e fat inavant, sco cha quai füss il plü normal dal muond – insomma, in quel cas es quai normal, acceptaiv’eu per mai e “güdaiva” inavant, be amo ligermaing sculozzada.
Objekt:
La sadella dad emagl
Ort:
Museum Engiadinais, St.Moritz
über uns:
Anna, Kikka, Ursula,
Adventsanlass 2022
www.tim-tam.ch / www.mi-s.ch | La sadella dad emagl, Museum Engiadinais, St.Moritz