I'd es stat ün bel di d'utuon da l'on 1921 ün paur da Bärschwil cun seis asen e sia racolta da maila e da nuschs. El laiva vender seis prodots sülla faira a Laufen. Hans-Jakob co cha l'hom vaiva nom ha vis sün staziun ün urdegn zuond curius cun quatter roudas. El d'eira propa stut ed ha dumandà a l'hom daspera che chi saja quist veicul. Il schofför til hat dit chi's tratta dal prüm auto illa Val da Laufen chi porta a la glieud our a Basilea. Köbi nu d'eira mai stat a Basilea perche cha l'asen nu d'eira bun per chaminar uschè löntsch. Tuot in ün dandet s'ha Hans-Jakob decis da vender na be la frütta ma eir seis asenin sülla faira e da cumprar ün bigliet pel viadi a Basilea. Uschea hal scuvri il muond ed es bod tuornà cun bleras impreschiuns. Che pensaivat cha Hans-Jakob vaiva quintà a seis amis?
Objekt: Fotografia da la staziun da Laufen intuorn 1921
