Üna fotografia dal Globus da Cuira fatta dal 1969. Ün on davo il craval dal globus dal movimaint 68 a Turich.
Per nossa famiglia da l’Engidina d‘ein ir üna vouta l‘on ün viadi cul wv käfer sur muntogna illa chapitala a visitar ils shoppingcenters Vilan e Globus ün evenimaint tuot special. Nos ögls d‘uffants glüschivan a la vista da tuot quai chi insomma daiva e chi‘s pudaiva eir amo cumprar. Ma il plü interessant d‘eira lura listess la s-chala eletrica, d‘üna vart giaiva ella ingio aint il paradis da mangiativas da luxus e da l’otra vart darcheu insü pro la savur da parfüms nobels. No uffants nu pudaivan survgnir avuoda da provar oura lura eir amo schi‘s rivess dad ir insü inua cha la s-chala eletrica giaiva ingio.
Cuntaints, satisfats ma lura eir planet stuffis da quist muond da consüm infinit gnivnan darcheu schmagagnats tuots 5 uffant aint in nos bau mellan per darcheu tuornar sur muntogna aint illa monotonia alba da l‘inviern etern da l‘Engiadina‘ota.
Per no d‘eira il craval dal Globus alch sco ir al carusel.
Objekt: Fotografia dil baghegh dil Globus 1969. Photolab
