Maurus, Stiafen, Clau e Murezi ein vers umens dils cuolms. In di fa Maurus la proposta dad inagada far enzatgei auter. "Forsa inagada ir in tec naven? ", damonda il Clau. "Gie, en in'autra tiara sin in ault cuolm", cloma il Stefan. "Na, buc cuolms. Inagada zatgei auter", di il Maurus. Murezi ha lu LA idea. "Nus savessan ir alla mar! E cu nus essan leu savein nus ir a far bogn ella mar." Paucs dis pli tard arrivan els alla mar. Tgei bellezia di! Il tschiel tut blau. L'aua dalla mar stgirblaua. Ed il sablun alla riva – fins e clar-grischs, bunamein alvs. Avon che seglir all'aua fan els aunc ina fotografia. Els semettan in sper l'auter e poseschan tut lucs. Cruschar las combas, la bratscha sul tgau. Ils schigientamauns ston ins naturalmein era veser: Clau tegn il siu sco in torrero, il Stiafen betta el luc sur sia schuiala ed il Maurus metta siu schigientamauns sul tgau giu. "Clic" la fotografia ei fatga e "platsch" seglian ils quater cumpogns cun grond plascher ell'aua dalla mar.
Objet :
Lieu :
Bündner Kunstmuseum, Chur
à propos de nous:
Alexa, 44
Andreas Walser (1908-1930), Baigneurs (Am Strand), 1930
www.tim-tam.ch / www.mi-s.ch | In di alla mar, Bündner Kunstmuseum, Chur