El 20avel tschentaner ha igl avat Plazi Giusep possediu in spieghel tut aparti. El ha numnau il spieghel la finiastra tier Diu, damai che cun quei spieghel ha el saviu communicar directamein cun Diu. Mintgamai ina gada ad onn astgava el dumandar ina damonda a Diu. El ha adina emparau la medema: „Vegn ei in bien onn per miu pievel?“ E Dieus ha adina rispundiu sinceramein. Mo in onn ha Dieus rispundiu ch’ei vegni in schliet onn. E propi, duront quei onn ei l’emprema uiara mundiala erutta. Tut desperau ha igl avat dumandau igl onn suenter il spieghel: „Daco has ti buca gidau nus?!“ Sinaquei ha Dieus rispundiu ad el:
„Jeu porschel a vus miu maun, denton vus stueis tschaffar el. La glisch sa buca glischar senza la voluntad dils carstgauns.“ Dapi quei gi ha il spieghel buca pli dau sinzur. Entras ils plaids da Diu ch’igl avat ha dau vinavon a siu pievel ha scadin da sia populaziun surviviu l‘uiara.
