Da quauntas istorgias pudess quist scrign der perdütta! Ho il falegnam incumbenzo s-chaffieu quist scrign in occasiun da Tia naschentscha? Cur cha Tü hest quatter ans, odast Tü discussiuns traunter creschieus sur da las tensiuns socielas e religiusas, in Engiadina ed utrò. Tü vezzast lur vistas plain pissers. Eir scha Tia patria nu tuocha tiers la Confederaziun, odast Tü discussiuns davart üna guerra a Villmergen, da la quela ils catolics sortan vaindscheders. I’l decuors da Tia vita es eir gnida devasteda la regiun inua ch’eau stun hoz, sper Villmergen. Scu giuvna duonna varegiast Tü miss in salv roba da let cun urs rechamos aint in quist scrign, t’insömgiand d’ün bel giuven chi saregia ün di Tia spus. Cur cha Tü hest 60 ans, ho lö la seguonda battaglia da Villmergen. Ils refurmos survaindschan als catolics, che chi pussibiltescha üna parited confessiunela. Vessast Tü alura cret pussibel cha infra main cu 100 ans dvantaron las Trais Lias ün chantun da la Confederaziun?
Oggetto:
Quist scrign dal 1652 as rechatta traunter il seguond ed il terz plaun da la Chesa Planta.
Luogo:
Chesa Planta, Samedan
su di noi:
Mia, 72
2024
www.tim-tam.ch / www.mi-s.ch | Scrign dal 1652, Chesa Planta, Samedan