< ulteriuras istorgias >

Poesias sun dinamit

Passar a Cuoira tras las salas structuradas da Corsin Fontana, ün Grischun da Domat. A Basilea. Artist dapertuot. Fin in november riva el seis muonds in alb nair e da culur i’l Museum d’art. Minch’ouvra in quist cosmos suotterran füss degna da tschüffer ün pitschen commentar–o ün grond. Schelt n’haja üna gruppa dad ot lavuors chi’m tiran adimmaint documaints censurats, pleds s-charbunats-in üna dictatura, in Russia, China, chartas da praschuneras in Türchia o in Svizra i’l 20avel tschientiner, las fischas, inclusive il s-chandel cur cha’l public es gnü a savair. Davant ün purtret dad ot chi ballan tanter ironia, satira, melancolia, ma eir critica mordainta stuna salda, observ, fascinada: üna poesia! Id es restà be il skelet da vers, strofas, culuonnas. Dinamit liric, privlus per ils aggressuors chi detestan l’art, nu cumportan il pled viv e liber. La poesia am cloma. Eu taidl e dod la vusch da la poeta chi sta sper mai, ils 4 settember 2021: Gianna Olinda Cadonau.

 

 

Lavur da palperi da Corsin Fontana

Lieu:
Bündner Kunstmuseum, Chur

Tgi che nus essan:
Romana, 54

Gianna Olinda, 38

Cordials salüds da Romana