Ei era inagada in prenci che haveva num Manuel III. El era ella vegliadetgna da 23 onns. Ina damaun da stad ha sia mumma, la regina, fatg levar el e ha detg: „Fai aschi bien e neu a solver cun tiu bab e cun mei.“ Pli tard decida el dad ir a far ina tura cun siu cavagl Melvin. Suenter solver semetta el sin via. El cavalchescha tochen tiegl uaul stgir magic. Arrivond encunter la fin digl uaul vesa el ina spada catschada en in crap. Manuel va pli datier per mirar ella. Suenter numerusas emprovas gartegia ei ad el da trer la spada ord il crap. Cun siu cavagl Melvin cavalchescha el anavos tiel casti. Vonzeivi senta el che la spada semuenta e tarlischa. Arrivaus el casti vesa el co tut ils habitonts cuoran entuorn clamond: „AGID!“ El mira el horizont e vesa co in pievel attacca els cun catapults e paliats da fiug. La crappa dils catapults tucca ils mirs dil casti. Il prenci semetta cun sia armada sin via per defender lur casti. Denton ei l’auter pievel staus pli ferms.
Object:
Lieu:
Museum Sursilvan Cuort Ligia Grischa, Trun
Tgi che nus essan:
Agustin 13
Aaron 12, Leandro 12
Nus essan treis fetg buns amitgs.
www.tim-tam.ch / www.mi-s.ch | La spada dil prenci Manuel III, Museum Sursilvan Cuort Ligia Grischa, Trun