I d‘eira üna jada üna chasa veglia in cumün. In quella abitaiva üna matta cun sia nona. La matta vaiva pers da pitschna a sia mamma ed il bap d‘eira a militar. Ella vaiva tschüf üna penna veglia ed ün cudesch vöd da sia nona. Ün di ha ella decis dad ir sün palantschin. Inaspettadamaing doda ella ad inchün a scuttar: „Tü fast üna vaira pastrügl cun mai!“ „E tü nun est bun da star salda, uschè nu suna buna da scriver ün custab gualiv!“
Quai sun il cudesch e la penna chi‘s fan vicendaivelmaing imbüttamaints. Tuot confusa tuorna la matta giò da palantschin e quinta cun sia nona da sia scuverta. Quella be dà üna risadina e tilla cussaglia dad ir amo üna jada sün palantschin a verer che cha la penna ed il cudesch vessan tambas-chà. La matta tuorna sün palantschin e chatta üna bella charta scritta per seis bap cul giavüsch da tuornar san e salv a chasa. E co schi füss stat striunà tuorna il bap pacs dis plü tard a chasa. Il plaschair dal retuorn da bap e stat grond e daspö quel di il bap mai nun ha plü bandunà a sia figlia!
