Ei era inaga avon biars, biars onns duas striettas - duas soras. La veglia senumnava Fluria, era nauscha e veva buca aschi per cor siu num, cunquei ch’ella veva buca bugen fluras. La sora giuvna denton, Marietta, carezava la natira. Fluria veva survegniu ina caldera e cun quella veva ella avon enzatgei. Ella vuleva far che la tiara daventi stgira e schetga. Marietta leva impedir quei. Ella veva in cudisch cun en recepts per far la natira pli colurada. Fluria veva era in cudisch, en lez fuvan recepts per far donn alla natira.
Ina notg mida Marietta o discusamein ils cudischs.
Fluria pren il cudisch e prepara tut quei ch’ella drova per il recept. Damai ch’ella sa buc ordado il recept sefa ella buca en la midada.
Silsuenter pren ella ord la caldera in daguot, va giuado e lai dar il daguot sin ina flur. Dad in mument sin l’auter semida la natira en plein colurs. Fluria ei fascinada da quella bellezia.
Naven da quei di ei ella cuntenta e viva ina veta culla natira.
