Uossa basta. Il pudding da tschiculatta ha il nas plain. Ningün nu til piglia serius. Uschè nu vaja inavant. El sto müdar qualchosa. El decida da surtour l’imperi dal muond. Cun infusiuns da latmilch as transfuorma’l in ün pudding gigantesc. El schmacha our da la cha da fö, cula our in via, inuonda plan a plan la cità. El fluischa ils chomps ed il god. Rivà al mar as maisda’l cull’aua da sal. Quella til fa crodar insembel. Peschs e medusas savuran la tschiculatta, giamberins e stailas da mar han dat bada il latmilch ill’aua. Tuots vegnan nanpro. Dafatta ün per squals e baracudas han savurà il desert. Uschè capita cha las bes-chas dal mar mangian e lichan e baivan ün pêr dis a l’inlunga tschiculatta e latmilch. Chi han salvà il muond sperapro nun hana gnanca badà.
