< ulteriuras istorgias >

Quarz cun pirit

Pader Placidus a Spescha, oriunds da Trun, ha viviu el 18avel tschentaner ed era in um bein vesius. Sia pli gronda pissiun era il cavar cristallas. Ina biala sera d’atun arriva Placidus tut agitaus, staunchels mo da buna fei a casa. Mai vess el sminau ch‘in tal schabetg suondi: Strusch en casa splunta ei tier Placidus vid la porta. In um pli passau stat avon esch. Vestgius en resti da catscha e cuvretgs en plein suadetsch, damonda el per albiert. Il Pader ha cumpassiun cun igl um e lai entrar el. Vid la meisa da tscheina discuoran els sur da lur vetas. Igl um jester para empau suspects. El ei fiug e flomma dalla biala cristalla dil Pader. La proxima damaun scadeina ei anetgamein. Placidus ei tut tementaus e seglia si dil letg. „Nua ei il catschadur? Ei quei mo in siemi?“, studegia Placidus. El cuora si surcombras e mira suenter sias cristallas. E promt encorscha el che siu pli custeivel cristagl cun pirit maunca. Paralisaus dil schoc entscheiva el a ponderar il fatg.

 

 

Lieu:
Museum Sursilvan Cuort Ligia Grischa, Trun

Tgi che nus essan:
Naila 12

Jael 21

Jeu hai elegiu mia cusrina e „detscha“ da creisma per quella lavur perquei che jeu hai fetg bien cun ella.